العمر اقصر مما نظن ...

عودة للتدوين بعد غياب اوشك على السنة .....

:)





العمر اقصر مما نظن ..

كتير كنت بسمع الجملة دى و بشوفها فى الايميلات

tomorrow mat be too late

لكن متصورتش انى ممكن احس بمعناها

او امر بموقف يحسسنى بيها ..

كنت ناوية اتصل ببنت فى غزة ..

و اجلت الموضوع شوية نظراً لانشغالى ..

و فجأة عرفت ان القصف كان بقرب منزلها ..

كان احساس فظيع .. لو لا قدر الله جه على بيتها

مش حكون لحقتها اقولها انى بدعيلها و انى احبها فى الله

وقتها افتكرت الجملة دى جدا ..

tomorrow may be too late



مرة تانية

كنت ناوية ازور واحدة قريبتى بحبها اوى

كانت الزيارة على يوم الاربعاء ..

سبحان الله توفت يوم الاتنين ..

طبعا ده قدر و نصيب اننا لا نتلاقى ..

لكن فعلا العمر اقصر مما نظن ..

احيان بنتصرف كأن العمر ده حاجه طويلة

و بيجى خبر الموت صاعقة ..



>>>>

فى بنوته نفسى اقابلها لما تيجى مصر ....
اسمها مومو

بحبها اوى مومو بجد ...

ربنا يخليكى ليا يا مومو بجد ...

و نلحق نتقابل ....



:)


العمر اقصر من ان نُضيعُه فى خصام

فى معصية .....

اقصر من ان نُؤجل شىء فى استطاعتنا عمله اليوم الى غداً

فلا نضمن من منا يعيش الى الغد ...


:)

العقل و العاطفه

بسم الله الرحمن الرحيم

اولا فى بدايه البوست احب اشكر مومو ... ثانكيو يا مومو على اهتمامكو عشان خاطرك اهوه البوست انا كنت اجلته من فتره

انتى شجعتينى انى احطه :)

تانى حاجه احب اقولها ....مع الوقت الانسان بيكتشف حاجات جديده فى ناس يعرفهم

كان فاكر فى وقت من الاوقات انه يعرفهم بصوره كامله ..... بس بيكتشف فيهم صفات

و حاجات مكانشى شايفها فيهم

كل يغنى على ليلاه ....فى ناس معينه مقصوده بالجمله دى ....الجمله تحمل معنى و معنى معاكس

و كل لبيب :)

البوست بقى

يتلخص فى كلمتين ...قلب الانسان و عاطفته اغلى من انه يضيعه

ده باختصار موضوع البوست

نتكلم بقى بالتفصيل اكتر ....

ناس بتشوف ان سعادتها مفقوده .... و انها مش لاقيه نفسها فى الحياه و انها و انها كتير ॥

يا ترى الناس دى بتبقى عايزه ايه عشان تبقى سعيده ؟

اكتشفت فى مره من كلامى مع واحده معينه .... ان كل مشاكلها انها بتتجرح

من مين يا بنتى

من اصحابها ....

اللى عايزه اقوله ... ان لكل شىء حدود ... و ان الشىء اللى يزيد عن حده

ينقلب لضده

و ده بالظبط اللى حصل معها ... هى حبت اصحابها جدا...منحتهم وفاء جامد

المشكله فى ايه ... المشكله انها مش اختارت اللى فعلا يستحقوا الكلام ده

المشكله انها حكمت قلبها فوق عقلها ... بمعنى تانى حكمت صوت العاطفه فوق العقل و المنطق

طبعا ده مش صح ... المفروض الانسان بيحكم عقله الاول

الموقف التانى....ناس كل مشكلتهم انهم وضعوا ثقتهم فى ناس لا يستحقوها

وضعوهم فى مكانه هما اصغر من انهم ييكونوا موجودين فيها

و كانت الصدمه فى ايه بقى ...

استنوا منهم حاجات و رسموا احلام ...بعيدا عن الواقع تمام

فكروا بقلبهم و عمرهم فى لحظه ما حكموا عقلهم فى الموضوع نهائى

لو كانوا حكموا عقلهم لحظه كانوا شافوا الحقيقه ادمهم ....كانوا عرفوها

قبل ما يفوت الاوان .....و يبقى تمن الحقيقه دى جرح كبير

مشكله كانت قابلت واحده اعرفها ...الانسانه دى كانت جميله اوى

و كانت مرتبطه بواحد قريبها ....و كان المفروض انه يتقدملها

بس هو مش كان اد الثقه دى و اتجوز انسانه تانيه ... البنت دى قلبها اتجرح

جرح هى ملهاش ذنب فيه .... قدرها جه كده ... جت بعد كده مشكله

ايه المشكله ؟؟؟ ... المشكله ان الانسان ده راجع يقولها انه طلق زوجته

و انه عايز يرتبط بيها و ان الطفل حيسيبه لمامته ... البنت اتفجئت

بس كانت جواها رافضه كلامه و مش عايزاه خلاص لانه جرحها

هى عارفه انها المفروض ترفضه بس صوت القلب بقى طلع يقول لا

البنت دى كانت مش محتاجه حد يقولها تعمل ايه اد ما هيا محتاجه حد يقولها صوت عقلك هو الصح

مش محتاجه حد يقنعها ترفض لانها مقتنعه مشكلتها ايه .....

انها كان عندها استعداد تغمض عنيها عن حقيقه واضحه لمجرد انها شايفه ان دى سعادتها

مع ان ده كان حيبقى سبب تعاستها مش سعادتها زى ما هى كانت فاكره

الفكره بقى فى ايه فى الاخر .... السعاده موجوده بس للى يحس بيها ...مش للى يدور عليها

و يشوفها فى مكان مش بتاعه او يحس انه مش حيبقى سعيده الا بحاجه معينه مش عنده

و ممكن يضيع عمره و شبابه و كل حاجه ممكن كانت تبقى سبب سعادته و هو بيجرى ورا سراب

السعاده ... فى الرضا ..... فى الامان ...السعاده فى كل حاجه حوالينا ...مش اى حاجه بعيده عن ايدينا

لازم اننا نختار بعنايه فائقه الاشخاص اللى ممكن اننا نهبهم ثقتنا و مشاعرنا ...

لازم نعرف ان قلوبنا اغلى من اننا كل شويه نجرحها عشان ناس مش يستحقوا

لازم نعرف ان المشاعر الانسانيه مش كنز لا يفنى ...لان كتر جرحها مش حلو

سيؤدى الى نوع من اللامبالاه

...

اخيرا حكم عقلك قبل عاطفتك ... فاحكام القلب هوائيه ... و احكام العقل منطقيه

كلامى ده عموما .... و جمل محدده اتقالت لناس اتمنى ان رسالتى توصلهم

و لو حد عنده اى اعتراض انا مستعده للمناقشه :)

شكرا اعزائى :)

بسم الله الرحمن الرحيم

غيرت البوست القديم خالص

يمكن عشان فى احداث بتحصل فى حياه كل واحد منا

اما بتغير نظرته لشىء معين للافضل او للاسوء

انا حاليا احب اقول شكرااااااااااااااااااااااااااااا

بجد شكرااا لاشخاص مهمين اوى فى حياتى

وقفوا جنبى ... سواء وقوف مادى او معنوى

هما سبعه اشخاص بس غالين عليا اوى

شكرا يا ....نـ ... تعبتك و خربت رصيدك :)

شكرا يا شـــــ .... من غيرك النهارده مكنتش عملت حاجه

شكرا يا هــــــــــ .... بجد مشاركه منك فوق الرائعه

شكرا ســـــــــ .... مكالمتك اسعدتنى جدا

شكرا د .......... اتصالك بجد فرحنى

شكرا مـــ .... تعبتك يا توته

و اخيرا ... شكرا حناااااااااااااااااااااااااااان

بجد مش عارفه اقولك ايه ... بجد

شكرا قليله .... سعيده جدا :) ....ربنا يكرمك يارب

ربنا يكرمكم كلكم يا رب و يوفقكم

:)

اول تاج

بسم الله الرحمن الرحيم

التاج ده اتمررى من هوبه صاحبه مدونه معنى

و شكلها كده بتنتقم منى

ربنا يسامحك يا هوبه :)

شكله تاج طويل و صعب

الله المستعان

لو قالولك اختاري عصر من عصور مصرعلشان تعيشي فيه تختار اى عصر و فى عهد اى ...واشمعنى؟

لو قالولى كده ممكن اختار عصر الخلافاء الراشدين.... و خصوصا عصر سيدنا ابو بكر و عمر بن الخطاب

و السبب انهم شخصيات عظيمه و قويه

اول اولويه فى حياتك عيلتك ولا شغلك ولا اصحابك؟

هما التلاته مهمين جدا فى حياه اى انسان بس الاولويه طبعا للعيله لانهم هما اللى ضحوا عشان انا

ابقى حاجه كويسه و يبقى ليا كيان و شخصيه .... ربنا يكرمهم يا رب

اما الاصحاب ... فدول ناس مهمين اوى فى حياتى انا بالذات ... بجد ناس يستحقوا كل خير

و الشغل .... الشغل بالنسبه لى حاجه افيد بيها ناس و انفع بيها ناس محتاجه

ايه اكتر حاجه بتحبيها فى رمضان؟

رمضان ...... الاحساس بدخول رمضان ده لوحده حاجه جميله جدا

لما الواحد بيروح الجامع و يلاقى ناس كتير بتصلى بيحس انوه مبسوط

لما يلاقى البرامج الدينيه كترت يااااااااااه احساس حلو اوى بالفرحه

و الاحساس الاجمل من ده كله لما تبقى المسلسلات شغاله و الواحد مش بيفكر انوه يشوفها حتى

اوصفى ليا اجمل فطار ممكن تفطريه؟

اجمل فطار لما الواحد يفطر مع ناس بيحبهم بيكون للاكل معنى تانى اياي كان نوعه

لو انت حاكم على مجموعه من الافراد هتكون ...هتعمل ايه عشان تتأكد انك حاكم عادل؟

ححاول انى اكون حاكم عادل .........و حيكون طريقه التعامل مباشره مع الشعب

و مش لازم كل الشعب على الاقل يكون ناس كتير من الشعب و هما اللى يختاروا الناس اللى حتتكلم باسمهم

و حتاكد لما مش الاقى واحد بيدعى على الحاكم و لا واحد ماشى مكسور و حزبن لانه اتظلم

و لازم الواحد يكون فعلا بيحتك مباشره بالشعب

اللى بيبوظ الحكام .......نفسهم؟ ولا الشعب؟ ولا الحاشيه المقربه؟

نفسهم لها .....لما تخليهم يطمعوا فى اموال مش من حقهم

لما ضميرهم يموت و ينسوا ان لهم رب بصير و عليم بكل شىء بيعمله

و الشعب ..... لما الشعب يخضعلهم و مش يتكلم و يسكت من غير ما يعبر عن غضبه

الحاشيه المقربه ... لما ضميرهم هما كمان بيموت و ينقلوا كلام مش حقيقى عن حال الشعب

و فى االاخر ان شاء الله حروح امن دوله

:(

مين أكتر اعلامي مصري بتحترميه؟

انا بتفق مع هوبه فى الموضوع ده

منى الشاذلى عشان برنامج العاشره مساءا

قريتي ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟

لا مش قريته

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

هوا انا المفروض انى حكون ان شاء الله دكتوره صيدليه

لو كان ممكن اشتغل شغلانه تانيه ممكن حاجه تبع الادب مقالات و دوواين و كده

ايه تانى بلد تتمنى تعيش فيها بعد مصر؟

لبنان .... من غير ليه :)

بس ان شاء الله اسافرها فى يوم من الايام

اوصفي ليا ترتيبات اجمل فرح ممكن تحضرية؟

يكون اوبين بوفيه عشان اكل براحتى فيه :) مش لازم احضر الفرح نفسه

و لو بجد اجمل ترتيبات يكون على النيل بجد يبقى له سحر خاص

بتراعي كلام الناس والقيل والقال؟ لو اه او لا قولى ليه؟

اه اكيد لام الواحد يراعى حاجه زى دى جدا ..... لاننا مش عايشين فى المجتمع لوحدنا

كمان لكل شىء حدود .... فى حاجات لازم الواحد يهتم بالمظهر بتاعها ادام الناس

انما فى الاخر برضه الواحد لازم يعمل اللى مقتنع بيه مادام عارف انوه مش بيعمل حاجه غلط

اصل فى الاخر عمر ما الواحد حيرضى كل الناس..... ارضاء كل الناس غايه لا تدرك

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

عن نفسى بجد حزعل اوى ... الانسان لما بيتعود على حاجه بيكون صعب شوى انوه يعيش من غيرها

يعنى الكمبيوتر بيخلينا نعرف اخبار العالم حوالينا .... نكلم ناس عمر ما تخيلنا اننا ممكن نقدر نكلمهم

و الموبيل ... اقل ما فيها انوه بيكون السبب اوصل لاصحابى فى المدرج :)

الكاميرا الديجيتال ... بتخلى الواحد يقدر يحتفظ بلحظات جميله

السعاده بالنسبه لك هى؟

السعاده هى فى رضا الانسان عن نفسه و عن حياته و عن علاقته بربنا و باللى حواليه

السعاده انى اكون وسط ناس بحبهم و بيحبونى من غير مصلحه عايزنها

السعاده انى الاقى ناس فى قلوبهم رحمه و عندهم استعداد يسامحوا

بجد حتكون دنيا حلوه اوووووووووى

:)

عندك امل ...اسبابك؟

اكيد عندى امل ... لا حياه مع اليأس و لا يأس مع الحياه

لما تحب تهرب من كل شئ بتروح فين؟

مش بلاقى حته اروحها :).... ممكن اهرب جوايا احس بعزله عن اللى حواليا

يببقى الواحد فى دنيا تانيه على الرغم من وجوده فى وسط الناس

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

:) ... بغض النظر عن الموقف نفسه

بس انا حسبت الاحساس ده فى السنه اللى فاتت ...كان قرار لازم اقرره

و ان شاء الله يكون قرار سليم يا رب

لما بتعمل عمل خيرى بيكون ايه هو دافعك الاول؟

اكيد بيكون لوجه الله اولا

ثانيا ... عشان احس انى مش منعزله لوحدى فى عالم تانى يبقى فى ناس بتتالم و انا عايشه سعيده

من غير ما احاول اسعادهم و لا اخفف عنهم الامهم

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

الحمد لله لا

و المنظر بيبقى فعلا مقزز جدا .... ربنا يهديهم

بتعرف ايدك اليمين من الشمال ازاي؟

الابد اليمين هى اللى باكل بيها :)

بجد اليمين هى اللى يسلم بيها على الناس و بكتب بيها

ايه اكتر اله موسيقيه بتحبها ؟

الناى و العود

فى رأيك ليه الذوق والنخوه اتعدموا؟

الله اعلم ......ربنا يرحمنا برحمته

ايه الحاجه اللى لو حصلتلك تبقى سعيد قوى؟؟؟

يااااااااااااااااااااااه حاجات كتير اوى

كفايه اقول اول حاجه و هى رضا ربنا عنى و رضا الوالدين

و الباقى بقى ... :)

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

ارضى زراعيه تكون قريبه من النيل ..... حتكون حلوه اووووووووووى

و اقعد عليها انا و حد بحبه

:)

البحر و لا النيل؟؟؟

البحر عشان فيه موج ... بس البحر غامض شوى عن النيل

البحر ممكن الواحد يشكيله اوى و هوا قاعد عليه بالليل

و النيل بصفائه ممكن الواحد يتأمله و يعيش ادامه لحظات كتير من غير ما يحس بالوقت

مركب ولا طياره؟

المركب وسط البحر ساعه الغروب ... انما بالليل اخاف :)

و الطياره بقى ... المنظر من فوق تحفه السما و السحاب و لو فى مياه بقى

انت مجنونه ولا عاقله؟

:) كل واحد عاقل بداخله انسان مجنون

و كل انسان مجنون جواه واحد عاقل

تقرأ كتاب و لا تتفرج عليه فيلم؟

لا اقراه احسن ... عشان اتخيل على مزاجى انا مش على مزاج المخرج

بتمرر التاج لمين؟

اولا احب اقول ربنا يسعدك و يكرمك يا هووووووبه و يسامحك

و امرره لسمسه صاحبه مدونه همسات

و للفجر قادم

و امرره لحمزه و حاسومى

فن التعامل

الناس على اختلاف انواعهم و طباعهم الا انه لابد ان يكون هناك مفتاح للتعامل معهم

بمجرد ان عرفنا المفتاح الى قلوبهم ... فاننا نستطيع بكل سهوله ان نتفاهم معهم

ان نعرف ما يضايقهم و ما يسعدهم

ان نسطيع ان نقف بجانبهم وقتما يحتاجون الينا

كل هذا اذا استطعنا فهمهم و كسب ودهم

و لكن ليس التعامل و التفاهم مع الناس بسهوله

فالتعامل مع الناس فن لا يعرفه الكثير

ان شاء الله فى البوست ده اوضح فن التعامل

بس للامانه الكلام ده منقول

التعامل مع الناس

الناس يكرهون النصيحة في العلن

:لا يختلف اثنان في أن النصيحة في العلن يكرهها الناس, لأن كل الناس يكرهون أن تبرز عيوبهم أمام غيرهم, كل الناس مسلمهم و كافرهم... ولكن أخذ الفرد ونصحه على انفراد أدعى للقبول وأدعى لفهم المسألة

لا تُكثر من لوم الناس

:الناس يكرهون من يؤنب ويوبّخ في غير محل التأنيب ومن غير تأنٍ ودون السؤال والاستفسار, بل من الخطأ أن يتمادى الإنسان في التأنيب بعد أن يعتذر صاحبه ومن يتحدث معه فالناس جميعاً ومنهم نحن عاطفيون أولاً, ثم أصحاب منطقٍ وعقولٍ في الدرجة الثانية । إن لنا نفوساً ذات مشاعر وأهواء, وهي تريد من الآخرين أن يحترموها كما هي। فلماذا تحاول مناقضة نفوس الآخرين, بينما تعرف أن نفوسنا من نفس النوع ؟ إن اللوم والتأنيب مُرُّ المذاق ثقيلٌ على النفس البشرية فحاول تجنبه حتى تكسب حُبَّ غيرك

من الحكمة أن تُسلم بخطئك حين تخطيء

إن الاعتراف بالخطأ يزيل التحامل الذي يمكن أن يتولد في صدر الخصم أولاً, ومن ثم يخفف أثر الخطأ ثانياً...فحين ترى أنك على خطأٍ اعمد إلى التسليم به, وهو كفيلٌ بأن يجعل الخصم يقف منك موقف الرحيم السريع العفو, وعلى العكس من ذلك إذا أصررت على الدفاع عن خطئك। وقديماً قيل :"المقر بذنبه كمن لا ذنب له".

إيَّاك والأنا

الناس يكرهون دائماً من ينسب الفضل لنفسه, فإذا حدث إخفاقٌ ألقى بالتبعة على الآخرين وإذا حدث نجاحٌ نسبه لنفسه।جاء في بحثٍ إحصائيٍ قامت به مصلحة التليفونات في نيويورك: أنَّ كلمة (أنا) هي أكثر كلمةٍ ترِّن بها أسلاك شبكتها التليفونية. ومعنى ذلك أن اهتمام الناس كُلٌّ بنفسه, هو الصفة المسيطرة على البشر, فإذا كنت تهتم بنفسك أولاً, ولا تحاول اجتذاب الآخرين بالاهتمام بهم, فكيف تنتظر منهم أن يهتموا بك إذن؟.

لا تُركِّز على السلبيات دون الحسنات

خذ مثالاً: علاقة المرأة المسلمة بزوجها المسلم, والتي يمكن أن يُعممَ مغزاها في كل قضايا التعامل، يقول صلى الله عليه وسلم :"لا يَفْرَكْ مؤمنٌ مؤمنةً إن كره منها خلقاً رضي منها آخر". فما أحدٌ يسلم من العيوب فلا زوجة بلا عيوب, ولا صديق بلا عيوب, ولا رئيس ولا مرؤوس, يقول سعيد بن المسيب:"ليس من شريفٍ ولا عالمٍ ولا ذي فضلٍ إلا فيه عيب, ولكن من الناس من لاينبغي أن تُذكر عيوبه " فمن كان فضله أكثر من نقصه ذهب نقصه لفضله, ولاتذكر عيوب أهل الفضل تقديراً لهم.وكم من الناس ننقدهم فإذا رأينا غيرهم حمدناهم. بكيت من عمروٍ فلما تركته *** وجربت أقواماً بكيت على عمرو والرسول صلى الله عليه وسلم يعطينا المثل فيذكِّرُ بفضل الأنصار, لأن البشر بطبعهم ينسون الحسنات. فقد أخرج البخاري قوله صلى الله عليه وسلم :"أوصيكم الأنصار فإنهم كرشي وعيبتي (يعني بطانتي وخاصتي ), فقد قضوا الذي عليهم (يقصد أنهم وفوا بما تعهدوا به في بيعة العقبة), وبقي الذي لهم ، فاقبلوا من محسنهم وتجاوزوا عن مسيئهم " . إن هذا قمة الإنسانية والعدل .

يتبع البوست الجاى ان شاء الله

الجرح يزيد

بسم الله نبدأ

البوست ده عباره عن ازاى نتعامل مع الاخرين و نراعى شعورهم و نتعاامل من غير ما نجرحهم

احيانا الواحد بيعمل حاجات بسيطه و تافهه اوى مش ممكن يتخيل بيها انوه ممكن يجرح حد خالص بس فى الحقيقه بيبقى بيقتل حد و بيسيب جواه جرح جامد اوى।

مثلا مره كانوا واقفين مع بعض كلنا و اصحابى بيتكلموا عن عيد الام و كلهم بيقولوا جابوا ايه ...

انا واحده من الناس مش بعترف باليوم ده و الحكايه وجهات نظر....سئلوا واحده واقفه معانا انتى اشتريتى ايه ؟؟ البنت قالت لسه مش فكرت.....
و خلص الموضوع اللى محدش كان يعرفه من اللى واقفين ان البنت دى مامتها متوفيه

انهم بسؤال بسيط جرحوها اوى

الكلام اللى جاى ده لاقيته فى موقع عجبنى...
لاقيت اننا لازم نحافظ على مشاعر الناس مادام اننا عايزين الناس تحافظ على مشاعرنا

الجرح يزيد و لا يحتمل المزيد

يا من انعم الله عليها بنعمة الزواج في مجلس به مطلقة أو فتاة أوشكت على العنوسة لاتتحدثي عن حياتك مع زوجك

ولكن إذا كان ولابد فقولي ( ولستِ كاذبة في ذلك ) الزواج له متاعب ومشاغل قد تعيق المتزوجة من الحرية وطلبات الزوج والأولاد والبيت كثيرة ومنهكة ولاتنتهي أبد

فالجرح يزيد............ ولا يحتمل المزيد

يا من أنعم الله عليه بنعمة الوظيفة في مجلس به عاطل عن العمل أو موظف براتب منخفض لاتتحدث عن مشاريعك الاستثمارية والعقارية ورحلاتك الصيفية

لكن إذا كان ولابد فقل ( ولست كاذباً في ذلك )الأرزاق بيد الله وبركة المال في الكيف لا في الكم وكم من صاحب أموال لا يجد السعادة ولا يذوق طعمها

فالجرح يزيد ....ولا يحتمل المزيد

يا من أنعم الله عليها بنعمة الأمومة في مجلس به امرأة حرمها الله نعمة الحمل والإنجاب لاتتحدثي عن أطفالك وجمالهم وبراءتهم وسعادتك بتربيتهم

ولكن إذا كان ولابد فقولي ( ولستِ كاذبة في ذلك )الأطــفــال والأبناء مـسـؤولــيــة كــبــيـرة وخـطـيـرة وبقدومهم قد تـقـل الرومانسية والخصوصية بين الزوجين

الجرح يزيد .....ولا يحتمل المزيد

يا من انعم الله عليه بنعمة الشهادات العلمية
في مجلس به شخص لم تسعفه الظروف لمواصلة تعليمه لاتتحدث عن مؤهلاتك العلمية وثقافتك الواسعة ودرجاتك
العلمية

ولكن إذا كان ولابد فقل ( ولست كاذباً في ذلك )الـعـلـم لـيـس بـالـشـهـادات والـدرجـات والجامعات وكم من عالم جليل وقدير تفوق وهو لا يقرأ ولا يكتب

فالجرح يزيد ....و لا يحتمل المزيد

من أنعم الله عليهم بنعمة الوالدين في مجلس به أُناس فقدوا أحد والديها أو كليهما لاتتحدثوا عن حنان وعطايا وهبات أمهاتكم أو آبآئكم لكم

ولكن إذا كان ولابد فقولوا ( ولستم كاذبين في ذلك ) فقدان الوالدين قد يزيد من سرعة النضج وقوة الشخصية وقد يكسب الشخص خبرات وقدرات عالية في تحمل المسؤوليات والمهام

الجرح يزيد و لا يحتمل المزيد

يا من انعم الله عليه بالمال بالصحه بالجمال بالحريه بالنجاح بالسمع بالبصر بالكلام باللمس باي نعمه ملموسه او بأى نعمه يفتقدها غيره
تذكر ان:الله هو ولي النعم التضامن مع الناس شئ جميل جرح المشاعر بقصد او بددون قصد شئ مخزي ومهين لا ترقص فوق جراح الاخرين
تذكر ان:حين ترقص فوق جراحهم فانها تزيد وتزيد ولكنك بجهلك تقتلهم لان للاسف جراحهم لا تحتمل المزيد

النفس البشريه

بسم الله الرحمن الرحيم
........... النفس البشريه لغز كبير اوى و بحر عميق اوى من الاسرار .... البوست اللى فات كان على الرضا و السعاده
المره دى عن عيوب الانسان ...مفيش انسان من غير عيوب و لا انسان كامل .... بس فى انسان بيحاول يصلح عيوبه و فى انسان بيزود عيوبه اكتر
القصه دى جميله اوى فى معناها .... احنا ممكن يكون فينا عيب .... و الناس اللى حوالينا اكيد فيهم عيوب ... الافضل فى التعامل اننا نحاول اننا نتلاشى وجود العيوب دى او الاحتكاك بيها ... مثلا ... انسان فى حته الماديات دى مش بيكون كريم يعنى بخيل انما باقى اخلاقه كويسه اوى فى التعامل ...... يبقى انا ابعد عن التعامل معاه فى الماديات و اقبله بعيبه زى ما هو حيقبلنى بعيبى ...
مثال كمان انسان عصبى ... احاول قدر الامكان انى مش اوصل معاه لدرجه العصبيه ... ... يبقى تلاشيت الاحتكاك بعيوبه و قبلته بمزاياه و عيوبه
حاجه كمان ... فى تعاملنا مع الناس لا نفترض كونهم ملايكه تمشى على الارض ... بمعنى اننا نحكم عقولنا شوى مش نمشى دائما بحكمنا على الناس بعواطفنا و لا مشاعرنا تغلب على صوت العقل
و فى نفس الوقت لا نفترض كون الناس دى اشرار ... لا نحن نفترض حسن النيه المطلقه و لا نفترض سوء النيه المطلقه ... الوسطيه خير الامور

القصه بقى اهى

قصة الجره المشقوقة

كان لحامل ماء في بلاد الهند جرتان كبيرتان ॥معلقتان على طََرفي عصا يحملها على رقبته ..وكانت إحدى الجرتين مشققة بينما الأخرى سليمة ..تعطي نصيبها من الماء كاملا بعد نهاية مشوار طويل من النبع إلى البيتأما الجرة المشققة دائما ما تصل في نصف عبوتها ..إستمر هذا الحال يومياًًً لمدة عامين ..وكانت الجرة السليمة فخورة بإنجازاتها التي صُنعت من أجلها ..وقد كانت الجرة المشققة خَجِلة من عِلتها وتعيسة ..لأنها تؤدي فقط نصف ما يجب أن تؤديه من مهمة ..وبعد مرورعامين من إحساسها بالفشل الذريع خاطبت حامل الماء عند النبع قائلة .."أنا خجلة من نفسي وأود الإعتذار منك ..إذ أني كنت أعطي نصف حمولتي بسبب الشق الموجود في جنبي ..والذي يسبب تسرب الماء طيلة الطريق إلى منزلك ..ونتيجة للعيوب الموجودة فيّ تقوم بكل العمل ولا تحصل على حجم جهدك كاملا "شعر حامل الماء بالأسى حيال الجرة المشقوقة ..وقال في غمرة شفقته عليها .."عندما نعود إلى منزل السيد أرجو أن تلاحظي تلك الأزهار الجميلة على طول الممر" ..وعند صعودهما الجبل لاحظت الجرة المشقوقة بالفعل ..أن الشمس تأتي من خلال تلك الأزهارالبرية على جانب الممر ..وقد أثلج ذلك صدرها بعض الشيء ..ولكنها شعرت بالأسى عند نهاية الطريق حيث أنها سربت نصف حمولتها ..واعتذرت مرة أخرى إلى حامل الماء عن إخفاقها ..والذي قال بدوره "هل لاحظت وجود الأزهار فقط في جانبك من الممر وليس في جانب الجرة الأخرى؟ذلك لأني كنت أعرف دائما عن صدعك ..وقد زرعت بذور الأزهار في جهتك من الممر وعند رجوعي يوميا من النبع ..كُنتِ تعملين على سقيها ولمدة عامين كنت أقطف هذه الأزهار الجميلة لتزيين المائدة ..ولو لم تَكوني كما كُنتِ لما كان هنالك جمال يُزيِّن هذا المنزل"

لكل منا عيوبه الفريدة وجميعنا جرار مشققة ..ولكن هذه الشقوق والعيوب في كل واحد فينا هي التي تجعل حياتنا مشوِّقة ومكافئة ..لذا وجب عليك أن تقبل كل شخص على ما هو عليه ..وانظر إلى الجانب الطيِّب فيه حيث هنالك الكثير من الطِّيب فيهم وفيك ..وقد بورك في الأشخاص الذين يتحَلوْن بالمرونة في التعامل ..لأنهم لا يضطرون لتغيير مواقفهم تذكر أن تقدر مختلف الناس في حياتك ..أو كما أحب أن أعتقد أنه لو لم تكن هنالك جرار مشققة في حياتي ..لكانت الحياة مملة وأقل تشويقا !