بسم الله الرحمن الرحيم
غيرت البوست القديم خالص
يمكن عشان فى احداث بتحصل فى حياه كل واحد منا
اما بتغير نظرته لشىء معين للافضل او للاسوء
انا حاليا احب اقول شكرااااااااااااااااااااااااااااا
بجد شكرااا لاشخاص مهمين اوى فى حياتى
وقفوا جنبى ... سواء وقوف مادى او معنوى
هما سبعه اشخاص بس غالين عليا اوى
شكرا يا ....نـ ... تعبتك و خربت رصيدك :)
شكرا يا شـــــ .... من غيرك النهارده مكنتش عملت حاجه
شكرا يا هــــــــــ .... بجد مشاركه منك فوق الرائعه
شكرا ســـــــــ .... مكالمتك اسعدتنى جدا
شكرا د .......... اتصالك بجد فرحنى
شكرا مـــ .... تعبتك يا توته
و اخيرا ... شكرا حناااااااااااااااااااااااااااان
بجد مش عارفه اقولك ايه ... بجد
شكرا قليله .... سعيده جدا :) ....ربنا يكرمك يارب
ربنا يكرمكم كلكم يا رب و يوفقكم
:)
20 comments:
جميل ان الواحد يعترف بفضل ربنا سبحانه وتعالى عليه
ثم يعترف بفضل ناس وقفت جنبه فى محنته
جميل ان الواحد يشكر ربنا على نعمته وفضله
ثم يشكر اصحابه
انا كنت جاية اعلق على البوست الاولانى بتاع الاصدقاء والغيرة وحب التملك وكدة
بس جيت لقيته اتغير بقي ...يلا معلش ..بس البوست الاولانى عجبني على فكرة
وده جميل اوى بردو ...
بس اسمي مش موجود ليييييييه :D
ياعم روح كدة ربنا يكرمك يارب :)
مبرووووك البلوج الجديدة:)
ماشاء الله شكلها حلوة اوى :)
و جميل اوى انك تقفي كل فترة تشكرى الناس اللي حواليكي
:)
ربنا يخليهوملك يا رب
:)
يااااااااه يا بنتى دانتى تعبتينى كتييير معاكى واتحملتك كتير اصلن :D
معلش اصلن تقريبا انا جيت متاخر شويه ومش عارفه البوست اللى حذفتيه كان فيه ايه
بس فعلا جميل جدا انك بتشكرى الناس اللى وقفت جمبك والاجمل انك معاكى اصحاب الحمد لله بيحبوكى ودايما بيساندوكى
ربنا يديم المحبه بينكم دايما يا قمر....
حماس
كلامك صح الواحد لازم يشكر ربنا على النعم اللى ربنا وهبها له .. بجد الناس دى لها دور كبير فى حياتى
منوره يا حماس
كفايه طيبه
منوره يا بنتى بمرورك الجميل ده و يارب يدوم علطول
امممممممم البوست الاولانى .. انا عارفه انى اتكلمت على حاجات فيه بجد بتحصل بس الفكره فى ناس اتاثرت بكلامى و عملت حاجات غريبه قلت بلاش بقى اخليه .. غيرته و حطيت واحد تانى كان لازم يتحط
شكرا لاصدقائى كان لازم اقولها فى التوقيت ده
و شكرا يا مومو :)
مجاهده منوره طبعا ..
و مبسوطه ان البلوج عجبتك ... ربنا يكرمهم بجد الناس دى
و اتمنى مرورك يدوم يا قمر :)
وجدانوووووو هلا يا بنتى عاش مين شافك
البوست اللى فات ايه بس .. ده انت متاخر اوى يا عم .. روحى كملى نوم :D
منوره يا وجدانووووووو ..ربنا يكرمك يا قمر :)
السلام عليكم حبيبتى
يا ترى بقى انا من السبعة ولا لا
طب فى حاجة عايزة اقولهالك انا مش عارفة اقولها فى وشك علشان مش تضربينى انا عارفة انى عملت حاجات كتير الفترة اللى فاتت تضايقك وجايز اكون كتير جرحتك وانا عارفة انا اصعب جرح هو جرح من ناس مش تتوقعى منهم كدة وكنت احسب نفسى كذلك
بس يمكن عزرى الوحيد ان ى كنت مجروحة وصعب اوى ان المجروح يداوى جرح
كنت بضايقك انا عارفة
بس بجد انا عارفة ان قلبك كبير وبتسامحى انا اسفة ان كنت طولت عليكى انا اسفة تانى انى جرحتك بس اول خطوة لتصحيح الغلط انك تعترفى بية وانا بعترف بغلطى
اختك ان كنتى تحسبينى كذلك
عائدة فلا داعى للفراق
حلو قوى النيولوك والجميل اعترافك بفضل ربنا وشكرك للى وقف جنبك ويارب يدوم ايامك السعيده على طول
رئيس جمهوريه نفسى
اهلا بحضرتك و طبعا يشرفنى مرورك .. و اكيد شىء جميل ان الواحد يشكر الناس اللى بيقفوا جنبه
و اتمنى مرورك يستمر
تحياتى
عائده
ياااااااااااااااه كلام كتير اوى عايزه اقوله ..
بصى يا عائده ... احيانا كده الواحد لازم يعدى حاجات عشان الحياه نفسها تعدى ..
دى اول نقطه .. تانى نقطه بقى .. مش كل الاوقات الواحد حيقدر يعدى ده بيعتمد على الحاله النفسيه للانسان اللى ادامك
البوست اللى انا مسحته ده من حسن حظكم اصلا .. نرجع تانى لتانى نقطه ..
اذا انتى شايفه انك غلطانه فى حاجه كويس انك اعترفتى بالغلطه ..بس مش انك تعترفى بالغلط ده كل حاجه خلاص
المفروض انك تحاولى تصلحى اللى انتى عمليته و انتى فاهمه قصدى تمام :)..اوكى ؟
اخر نقطه بقى :: احيانا بنكتشف اننا غلطنا فى حق اللى ادامنا بس بعد ما الوقت يفووووووت .. او نفهم غلطنا متاخر اوى ... بيكون وقتها صعب اننا نصلح غلطتنا .. عارفه وقتها بيكون حصل
conformational chages inside us
مش عارفه كلامى وصل و لالا
يلا خير .. يا سعديه :) ههههههههههههههههه
هارت
انتى قلتى انى فى كلام كتير عايزة تقولية يا ريت تقولى وانا كمان عايزة اسمعك
ويا ريت فى التليفون بقى بلاش فضايح
بس يا ريت من غير الغاز
انا معاكى ان الواحد لازم يعدى حاجات بس هتفضل فى ذكرى جوانا مش تخلينا نعامل على طبيعتنا وتبدا الذكرى تكبر جوانا مع موقف تانى وهكذا ولا اه
انا عايزة اشوف البوست اتمنى انك توافقى
انتى قلتى انى احاول انى اصلح اللى انا عملت بجد والله انا مش فاهمة قصدك وبجد انا لما اتكلمت كان بتكلم عموما يعنى مش كان فى موقف معين انا بتكلم علية انا بس كنت حاسة انى متغيره فى معاملتى ومش معاكى انتى بس بس انا عارفة انك اكتر حد كان قريب منى وعلشان كدة اكتر حد اتجرح
تعرفى كان فى واحدة صاحبتى بتقولى ان الدنيا مش وردى وانك مش ينفع تعيشى ملاك بس الظاهر كده ان الناس هما اللى الناس هما اللى عايزنى ملاك وانا مش كدة
هقولك كلمة انا قلتهالك قبل كدة مش لازم لما الوش يضحك القلب يكون فرحان
بس الظاهر كدة انك نسيتى الجملة دى هجاوبك على حاجة كنتى سالتينى عنها
انتى ساكتة ليه؟
لما تكونى متضايقة وممكن بكلامك تجرحى حد الاحسن انك تسكتى ولو الحزن بان عليكى وبكدة ممكن تضايقى حد الاحسن انك تبعدى ودة اللى كنت بعملة
يا رب تكونى فهمتى كلامى بس بجد انا محتاجة كتير افهم قصدك هو اللى انا فهمتة انك زعلانة من مواقف معينة بس يا ريت من غير الغاز واشرحى براحة علشان انا فهمى بطئ
سلاااااااااااااااااااااااااااام
عائدة
عائده اللى حصل حصل خلاص .. مش مهم ايه اسبابه حاليا لانه عدى .. المهم بعد كده
لان بكل بساطه مش كل الاوقات حنقدر نعدى .. و لا حنقدر نقولى معلش لها عذرها
حصل خير يا سعديه
صحيح اخبار ابنك عتريس ايه ؟ مش بخير :D
البوست ده جميل جدا
عجبني جدا موضوعه شكر الاشخاص الي بيسعدونا دايما وعدم نكران الجميل
وكان عجبني جدا البوست القديم
الي بيتكلم عن الصداقه
بصراحه الاتنين احلي من بعض
لانو بيطلع من بنوته احلي منهم
نهر ...... اخيرا ضفنا الرد :)
انتى اللى عسل يا بنتى
البوست كان بيعبر عن لحظه فعلا كانت حلوه
كانت بقى و لحظه عديت
طيب انتى قافلة التعليق فى البوست الجديد ليه .؟؟؟
انا عايزة اعلق بقي .. مليش دعوة
معلش يا حنين مش عايزه افتح التعليق على البوست الجديد ده خالص
:)
اهم حاجه انك منوره البلوج يا قمر :)
انا جيت اهو ياجميل
مبروك على النيو لوك ده
جميل ماشاء الله
ربنا يوفقك في الامتحانات انا عارفة انك مطحونة ربنا يعينك
وان شاء الله منتظرة الخواطر الجميلة بتاعتك
feeeen el post el gedeed ya 3m ...
Post a Comment